Son günlər cəbhə xəttində vəziyyətin gərginləşməsi səfərbərlik məsələsini yenidən gündəmə gətirib.
Hərbi jurnalist Ramil Məmmədli Metbuat.az-a açıqlamasında səfərbərliklə bağlı qaydaları izah edib:
“Səfərbərlikdə xidmət üçün ilkin olaraq, hərbi xidməti yeni bitirən, 21-25 yaş qrupunda olan gənclər çağırılır. Sonrakı mərhələdə isə yaş həddi əsas götürülərək, 18 yaşından 40 yaşına kimi olan vətəndaşlar çağırılır. Bundan başqa, hərbi mükəlləfiyəti olan, daha doğrusu zabit kimi xidmətdə olan vətəndaşlar hərbi xidmətə çağırırlırlar. Ordu bu formada kompleksləşdirilir, yeni hərbi birləşmələr yaradılır. Uzun müddət əvvəl hərbi xidmətdə olmuş və səfərbərlik qaydasına uyğun olaraq çağırılanlar isə müəyyən hazırlıq kursları keçəndən sonra cəbhə bölgəsində döyüş əməliyyatlarına cəlb olunurlar. Prosedur təxminən belədir”.
