Sarkisyan Lənkəran məhkəməsində mühakimə edilə bilər ŞOK İDDİA

Siyasət

17:28 26.04.2018

Qarabağda, Xocalıda əli azərbaycanlıların qanına batmış sabiq prezident, cinayətkar Serj Sarksiyanın törətdiyi cinayətkar əməllərinə görə, Azərbaycanda mühakimə edilməsinin zəruriliyi ilə bağlı fikirlər son zamanlar İrəvanda baş verən hadislələrin fonunda yenidən aktuallaşıb.

Bəs, görəsən, doğrudanmı Azərbaycan tərəfi Sarkisyanı necəsə mühakimə edə bilər?

Mynews.az xəbər verir ki, hüquqşünas Sahib Məmmədov Faktor.az-a açıqlamasında bildirib ki, Sərkisyan Azərbaycan Respublikasının Qanunvericiliyinə görə, beynəlxalq cinayətlər qrupuna daxil olan bütün cinayətləri Azərbaycan xalqına qarşı törətmişdir: "O cümlədən, genosid, insanlıq əleyhinə və hərbi cinayət törətdiyi üçün Azərbaycan Respublikasının qanunvericiliyinə görə cinayət məsuliyyətinə cəlb oluna bilər. Gəncə, Lənkəran yaxud Naxçıvanda ağır cinayətlər məhkəməsində mühakimə oluna bilər".

Hüquqşünas bildirir ki, burda əsas  problem onun Azərbaycana necə gətirilməsidir: "Hazırkı vəziyyətdə bu, heç də real görünmür. Azərbaycan necə ki, öz vətəndaşını başqa ölkəyə mühakimə üçün vermir, eləcə də, Ermənistan. İnterpola axtarış vermək olar. Bunun nəticəsində hər hansı başqa ölkə Azərbaycan üçün onu  tuta və bizə təslim edə bilər. Real görünməsə də, hüquqi yol bundan ibarətdir".