Rus deputatdan bəyanat - "7 rayon və Qarabağ qeyd-şərtsiz qaytarılmalıdır"
![](https://img.mynews.az/news/2018/05/photo_46855.jpg)
Qarabağ probleminin nizamlanması məsələsi ilə bağlı danışıqlar masasına məhz Azərbaycan və Ermənistanın rəhbərləri oturmalıdır.
Mynews.az xəbər verir ki, bunu Rusiya-Azərbaycan parlamentlərarası dostluq qrupunun rəhbəri, RF Dövlət Dumasının deputatı Dmitri Savelyev Heydər Əliyev Mərkəzində təşkil edilən “Heydər Əliyev: Şəxsiyyət, missiya, irs” Azərbaycan-Rusiya tarixi-sənədli sərgisinin kuluarında deyib.
Onun sözlərinə görə, Rusiya-Azərbaycan sərgisi çox diqqətəlayiq hadisədir: “Burada böyük Heydər Əliyevin həyat yolundan ətraflı bəhs edilir. Sərgidə nümayiş olunan fotoşəkillər və sənədlərdə biz onun varlığını, hərtərəfli şəxsiyyətini görürük. O, harada, nə işlə məşğul olmasına baxmayaraq, daim oxuyub, öz səviyyəsini artırıb”.
Deputat qeyd edib ki, Rusiya bu gün Cənubi Qafqazda, o cümlədən Ermənistanda baş verən hadisələri həyəcanla izləyir. Rusiya orada hansı proseslərin baş verdiyindən narahatdır. Onun sözlərinə görə, Rusiya gözləyir ki, Ermənistanın yeni rəhbərliyi Rusiya tərəfinin onların ölkəsi üçün nələr etdiyini və edəcəyini unutmasın.
“Azərbaycanın mövqeyinə gəlincə, mən güclənməyi, güclənməyi və bir daha güclənməyi məsləhət görürəm. Siyasi cəhətdən güclənməli, öz hərbi gücünü artırmalı — bu mənada mükəmməlliyə heç bir məhdudiyyət yoxdur” – deyə Rusiya Dumasının üzvü bildirib.
Ermənistanın yeni baş naziri Nikol Paşinyanın Qarabağ probleminin nizamlanmasına dair danışıqlarda qondarma “Dağlıq Qarabağ rejimi”nin tamhüquqlu tərəf kimi iştirakı barədə dediklərini şərh edən Savelyev soruşub: “Nədir, Qarabağ, hansısa subyekt zaddır?”
Onun fikrincə, bu məsələ ilə bağlı danışıqlar masasına Azərbaycan və Ermənistan rəhbərləri oturub danışmalıdırlar.
Onun fikrincə, idealda əlbəttə bütün bunlar sülh yolu ilə həll olunmalıdır: “Qarabağ məsələsi sabiq Sovet İttifaqının bədənindəki qanlı yaradır və artıq neçə onilliklərdir bizə əziyyət verir”.
“Mən hesab edirəm ki, 7 rayonun və Qarabağın özünün qansız və qeyd-şərtsiz Azərbaycana qaytarılması istiqamətində bütün səylər göstərilməlidir” – deyə Savelyev əlavə edib. (Sputnik Azərbaycan)
Siyasət
- Paşinyan Azərbaycana gələcəkmi? - Qərarını bu tarixdə açıqlayacaq
- Ərdoğan Azərbaycana gəlir
- Fransa Azərbaycandakı səfirini geri çağırıb
- İlham Əliyev 92,12 faiz səslə seçkilərdə liderdir
- "Biz haqq yolunda hər zaman bir-birimizin yanındayıq və yanında olacağıq"
- İlham Əliyev 2022-ci il dövlət büdcəsinin icrası ilə bağlı qanunu təsdiqlədi
Sizin üçün seçdik
İndi oxunanlar
Həftənin hitləri
- Azərbaycan nefti cüzi ucuzlaşıb 1131 dəfə oxunub
- Bəzi çaylardan sel keçəcək - XƏBƏRDARLIQ 1049 dəfə oxunub
- “Nikosayağı” qəzaya düşdüyü avtomobilinin nömrəsini satışa çıxardı - MƏBLƏĞ 1046 dəfə oxunub
- Sakinlərin NƏZƏRİNƏ - Bəzi ərazilərdə qaz olmayacaq 1036 dəfə oxunub
- Lamiyə Vəliyeva - Medalımı Azərbaycan xalqına həsr edirəm 947 dəfə oxunub