"Bu, ermənilərlə iş birliyininin bariz nümunəsidir"

Siyasət

17:51 26.05.2018

Xaricdə yaşayan bir qrup müxalifətçilərin dövlətimizə qarşı təxribatları davam etməkdədir. Belə təxribatçı "həmyerlilərimiz"dən biri də Səid Nuriyevdir (Nuri). Belə ki, Səid Nuri özünün şəxsi facebook səhfəsində xarici vətəndaşlara çağırış edib. O, onlara ölkəmizə səfər etməməyi və investisiya yatırmamağı təklif edib və bunun üçün də əlindən gəldiyi qədər işlər görəcəyini bildirib.



Bununla bağlı BiG.AZ-a açıqlama verən Cənubi Qafqaz Təhlükəsizlik və Sülh İnstitutunun sədri, politoloq Məhəmməd Əsədullazadə bildirib ki, xaricdə yaşayan bir qrup müxalif gənclərin Azərbaycana dövlətinə qarşı mənfi və çirkin kampaniyası onların nə qədər xalqımıza qarşı düşmənçilk mövqedə olduğunu göstərir: 

"Xaricdə yaşayan muhacirlər siyasi İqtidara qarşı müxalif ola bilərlər, bu onların haqqıdır amma ölkəyə qarşı "qara piar" aparanların ermənilərdən heç bir fərqi yoxdur. Əgər, bir müxalif mühacir xarici vətəndaşların ölkəmizə investisiya yatırımlarını və gəlmələrinin qarşısını almaq üçün kampaniyaya başlayırsa bu xaqımıza qarşı düşmənçilikdi. Onlar xarici agenturanın əlində alət olmasının göstəricisidir. Bu nə məntiqdir? Azərbaycana investisya qoymaq istəyən xarici vətəndaşların qarşısın alaq. Bu, ermənilərlə iş birliyininin bariz nümunəsidir. 100 il əvvəl bizim babalarımız xaricdə cümhuriyyətimizi tanıdıblar. Cümhuriyyətin 100 illliyində bir qrup müxalif mühacir Cümhuriyyətin varisi olan ölkəmizə qarşı xaricdə düşməncəsinə fəlaiyyətə keçiblər".