14 ölkənin spikeri Azərbaycana gəlir

Siyasət

16:12 17.09.2018

Azərbaycan Xalq Cümhuriyyəti (AXC) Parlamentinin yaranmasının, Azərbaycan parlamentarizm tarixinin 100 illiyi ilə bağlı Milli Məclisin (MM) xüsusi və təntənəli iclası ayın 21-də, saat 12:00-da keçiriləcək.

Mynews.az-ın məlumatına görə, bu haqda MM-in mətbuat xidmətinin rəhbəri Akif Təvəkküloğlu(Nəsirov) məlumat verib.

O qeyd edib ki, təntənəli iclsda 40-dan artıq ölkənin və beynəlxalq təşkilatın nümayəndə heyətlərinin iştirakı gözlənilir.

“14 ölkə spikerlər səviyyəsində, 13 ölkə vitse-spikerlər səviyyəsində, 13 ölkə digər, yəni, parlament nümayəndə heyətləri səviyyələrində xüsusi iclasa qatılacaqlar.

Həmçinin, 10 nüfuzlu  beynəlxalq təşkilatın təmçilçiləri xüsusi iclasda iştirak edəcəklər.

Xüsusi iclasla bağlı hazırlıq işləri aparılır, davam etdirilir, yəni, həm tədbirin yüksək səviyyədə baş tutması üçün, həm iclasda iştirak edcək nüfuzlu nümayəndə heyətlərinin qarşılanması, onların burada yerləşdirilməsi və sair üçün hər bir iş görürülür”, - deyə A.Təvəkküloğlu əlavə edib.