Türkiyə, Rusiya və İran Astanaya toplaşır - SƏBƏB?

Siyasət

13:29 03.12.2024

Türkiyənin xarici işlər naziri Fidan: Yaxın vaxtlarda Astana formatında Suriya ilə bağlı görüş planlaşdırılır

Türkiyə, Rusiya və İran Suriyadakı vəziyyəti həll etmək üçün yaxın vaxtlarda Astana formatında nazirlər səviyyəsində görüş keçirməyi planlaşdırır. Bu barədə Türkiyənin xarici işlər naziri Hakan Fidan diplomatik departamentin sosial şəbəkələrdəki səhifələrində məlumat yayıb.

Fidanın sözlərinə görə, o, artıq rusiyalı həmkarı Sergey Lavrovla Astana prosesinin bərpasını müzakirə edib. Yaxın vaxtlarda format yenidən təşkil olunacaq.

Noyabrın 28-də CNN telekanalı Suriyanın silahlı müxalifət qruplarının Hələb vilayətinin qərb bölgələrində hökumət qüvvələrinə qarşı irimiqyaslı hücuma keçdiyini bildirib. Kanalın mənbəsinin məlumatına görə, nəticədə silahlılar 13 yaşayış məntəqəsini, o cümlədən strateji əhəmiyyətli Urm əs-Suğra və Əncar şəhərlərini ələ keçiriblər. Noyabrın 30-da Suriya Müdafiə Nazirliyi terrorçu qrupların Hələb şəhərinin bir çox ərazisinə daxil olduğunu açıqlayıb. Rusiya təyyarələri yaraqlıların cəmləşdiyi yerə zərbələr endirməyə başlayıb.