USD 1.70
EUR 1,8441
RUB 0.0175
BREND 78.91
Bakı
7°

Bayden minlərlə narkotik cinayətkarını əfv etdi

Siyasət
13:29 18.01.2025
Bayden minlərlə narkotik cinayətkarını əfv etdi

Siyasət

13:29 18.01.2025

ABŞ prezidenti Co Bayden səlahiyyət müddətinin sonunda qeyri-zorakı narkotik cinayətlərinə görə məhkum edilmiş 2500-ə yaxın adamın cəzasını yüngülləşdirib. Bu barədə cümə günü, yanvarın 17-də Reuters agentliyi məlumat yayıb.

Bayden verdiyi açıqlamada, "mövcud qanuna görə alacaqları cəzalarla müqayisədə qeyri-mütənasib şəkildə uzun cəza çəkdiklərini" söyləyib. Bayden administrasiyası bildirib ki, bəzi vətəndaşlar müxtəlif kokain növləri üçün fərqli cəzalar təyin edən köhnəlmiş qanunlar, habelə narkotik cinayətlərinə görə daha sərt cəzalar səbəbindən əfv edilib.

Bayden həmçinin qeyd edib ki, o, sələflərindən daha çox fərdi əfv və əvəzlər verib.

Xatırladaq ki, Dekabr ayında Bayden 39 nəfərin əfv edildiyini və uzun müddət həbs cəzası çəkən 1500 məhbusun cəzasının yüngülləşdirilməsini elan etmişdi. Yumşaldılma pandemiya zamanı ev dustaqlığına buraxılan və uğurla ailələrinə inteqrasiya olunan şəxslərə şamil edilib.


Siyasət

Xəbər lenti