"Qarabağ erməniləri" havaya şar buraxıblar

Siyasət

17:59 14.04.2025

Bir qrup "Qarabağ ermənisi" Ermənistan Baş Prokurorluğunun binası yanında etiraz aksiyası keçirib. Bir müddət Qarabağda yaşamış jurnalist Tatevik Xaçatryan erməni cəmiyyətində qarabağlılara qarşı dözümsüzlük məsələsini qaldırıb. Xaçatryan qeyd edib ki, bu gün Qarabağdan gələn sakinlər mənfi nəticələrlə dolu nifrət ritorikası ilə üzləşiblər.

Onun sözlərinə görə, çoxsaylı bəyanatlara və nifrət təbliğatı əsasında başlanmış cinayət işlərinə baxmayaraq, Ermənistan Baş Prokurorluğu buna heç bir reaksiya verməyib. İndiyədək heç kim cəzalandırılmayıb. Nəzarət qurumu "Qarabağ erməniləri"nə qarşı nifrətin yayılmasının qarşısını almaq üçün heç nə etmir və cəzasızlıq nifrət dalğasını daha da gücləndirir, - Xaçatryan qeyd edib.

O, üzərində köçkünlərin ünvanına təhqirlər yazılmış vərəqələr olan şarları simvolik olaraq havaya uçurub və bununla da bu sözlərin əhəmiyyətsizliyini göstərib.

Bundan əvvəl Qarabağdan köçən ermənilər Ermənistan Xarici İşlər Nazirliyinin binası qarşısında aksiya keçiriblər.