Lələtəpə uğrunda döyüşlərin yeni görüntüləri Müdafiə Nazirliyi yaydı...

Siyasət

13:48 07.04.2017

Azərbaycanın Müdafiə Nazirliyi aprel qələbəsinin ildönümü ilə bağlı "Aprel döyüşləri tariximizin şanlı səhifəsidir" filmini təqdim edib.

Filmdə aprel döyüşlərinin qəhrəmanlarının fikirləri yer alıb.

General-mayor Mayis Bərxudarov Lələtəpənin işğaldan azad edilməsi əməliyyatının detallarını açıqlayıb:

“Lələtəpə yüksəkliyi qısa müddətdə düşməndən azad olundu. Döyüş təqribən 40 dəqiqə davam etdi və ermənilərin mövqelərini tam ələ keçirdik. Düşmən bir atəş də aça bilmədi, çünki səngərdə olanların hamısını məhv etmişdik. Onların artilleriya silahlarını tam sıradan çıxartmışdıq, düşmən bizə gülllə ata bilmirdi. Düşmən elə bir hazırlıqlı ordu ilə rastlaşdı ki, qaçmaqdan başqa əlacı qalmadı. Azərbaycan ordusunun kəşfiyyatçıları, döyüş qrupları Lələ təpə yüksəkliyini işğaldan azad edəndən sonra düşmən qaçmağa başladı. Düşmənin bir neçə hərbi qulluqçusu, hətta zabitləri bizə yalvarırdılar ki, onları öldürməyək. Erməni zabitləri deyirdilər ki, bizi öldürməyin, təslim oluruq və geri çəkilirik”.