Türkiyə baş nazirinin müavini Veysi Kaynak ABŞ prezidenti Donald Trampın İraq, İran, Suriya, Sudan, Yəmən, Liviya və Somali vətəndaşlarının 90 gün ərzində ABŞ-a daxil olmalarının qadağan edilməsi barədə imzaladığı fərmandan danışıb. Mynews.az SalamNEWS-a istinadən xəbər verir ki, “Viza qadağası ABŞ-ın öz tarixinin inkarı olar.
Türkiyədə 3 milyon qaçqın var. Bu qaçqınların böyük əksəriyyəti suriyalıdır, amma fələstinlilər, iraqlılar, əfqanlar, hətta ermənilər də var. Biz bunların hamısına yalnız insan olaraq baxırıq. Hamısının sağlamlığını, təhsilini, gələcəyini inşa etməyə çalışırıq. Mədəniyyətimiz, tarixi köklərimiz bizdən bu addımı atmağımızı tələb edir.", - V.Kaynak belə deyib.
