Türkiyədə Radio və Televiziya Üst Qurumu (RTÜK) qanununda edilən dəyişiklərdən sonra evlilik proqramlarının qadağan edildiyi iddiasına cavab verib.
RTÜK evlilik proqramlarının qadağan edilmədiyini, ancaq bu və digər proqramlarda yaşanacaq yayım pozuntularına görə cəzaların sərtləşdirildiyini bildirib. Artıq hər hansı yayım pozuntusuna görə kanalın lisenziyasını ləğv etmək də mümkün olacaq.
TV və radiolar yayım prinsiplərini pozacağı təqdirdə çox ağır cəzalarla üzləşəcək. Cəzaların bu dərəcədə sərtləşdirilməsi kanalları çıxılmaz vəziyyətə salıb.
