“Ad günündə müştəri quşlarımı dürtmələyirdi... “ AZƏRBAYCANLI ŞOUMEN

Maqazin

18:00 04.05.2017

Dünya TV-də yayımlanan və Mətbuat.az saytının informasiya dəstəyi olduğu "PAY" şou verilişinin "XOŞ SÜRPRİZLƏR" mövzusuna həsr edilmiş buraxılışında qonaq olan şoumen Dr. Vüqar Cabbarlı tədbirdə başına gələn maraqlı hadisəni danışıb:

“Ad günü şənliklərindən birində “Ekzotik şou” göstərirdim. Qonaq uşaqlardan biri bir oyuncağın çubuğu ilə quşlarımı dürtmələyir, tüklərini yolurdu. Zorla uzaqlaşdırırdım. Məclisin sonunda valideynlərdən biri yaxınlaşdı ki, "nömrənizi verə bilərsiniz, biz də uşağımızın ad günündə sizi dəvət edək". Mən də dedim ki, üzr istəyirəm, əgər gəlib görsəm ki, həmin bu uşaq o məclisdədir, çıxıb gedəcəm...”

Verilişin digər qonaqları, müğənni Vaqif Şıxəliyev, tanınmış fotoqraf Kəmalə Hüseynli və şənliklərin və sürprizlərin təşkili şirkəti olan “PAY production”un nümayəndəsi Nuranə Xəlilova olub. Nəzərinizə çatdıraq ki, veriliş hər həftənin 2-ci günü saat 23:00-da efirə gedir.

Qeyd edək ki, verilişin layihə rəhbəri və aparıcısı müğənni Nizami Nikbindir.