Camalanı qırmızı xalçaya buraxmadılar

23:09 08.05.2017

Maqazin

"Eurovision-2016"nın ukraynalı qalibi Camalanı Kiyevdə mahnı müsabiqəsinin açılış mərasimində qırmızı xalçaya buraxmayıblar.

Mynews.az "qafqazinfo"-ya istinadən xəbər verir ki, bu barədə müğənninin meneceri Denis Kozlovski Feysbuk hesabında bildirib.

Onun sözlərinə görə, təşkilatçılar bu addımı tədbirin qaydaları ilə əlaqələndiriblər.

D. Kozlovski həmçinin qeyd edib ki, agentliklərdən biri Camalaya təklif edib ki, Ukraynanın imici üçün "Evurovision"ın açılışından öncəki gecə mərasimə vertolyotla gəlsin: "Daha sonra məlum oldu ki, Kiyev üzərində hər hansı bir uçuşa icazə verilməyib, heç bir məsuliyyətli qurum bundan məlumatlı olmayıb. Əlbəttə, mərasimə avtomobillə getdik. Bizi 20 dəqiqə gözlətdilər, üzr istədilər, amma buraxmadılar".

Qeyd edək ki, "Eurovision-2017"nin yarımfinalı mayın 9-da, finalı isə mayın 13-də keçiriləcək. Ukraynanı bu il "O. Torvald" qrupu təmsil edəcək.

MƏNİM XƏBƏRLƏRİM

Maqazin

Sizin üçün seçdik

İndi oxunanlar

Həftənin hitləri

Mynews.az