Onun haqqında bilmədikləriniz Samirdən Samiraldoya…Torbası söküldü...

Samir Əliyev gənc, cılız, utancaq bir oğlan ikən birdən birə Samiraldo kimi üzə çıxdı.  "Instagram” hesabında milyonlarla izləyicisi olan Samiraldo bu günlərdə ölkənin ən tanınmış müğənnisindən daha çox maraq çəkir. Bəs, bunun səbəbi nədir? Cəmiyyətimiz niyə onu bu qədər çox sevir, ya da nifrət edir?

Mynews.az bildirir ki, A24.Az bu dəfə də Samiraldonun torbasını sökdü:

Samiraldo "açıldı?”, "ay qəhrəman” və s. kimi ifadələrinin dilə düşməsi ilə son zamanlar daha çox haqqında danışdırdı. O həddə gəldik ki, dilindən çıxan hər ifadə boşa getmədi, birlikdə bu ifadələri məşhurlaşdırdıq, eyni zamanda Samiraldonu.

Bu günlərdə bir çox restoran sahibi ondan reklam vasitəsi kimi istifadə edir. Samiraldo oturan məkanda kim oturmaz axı?

Lap əvvələ qayıtsaq, uşaq evində böyüyən Samir həyatın hər üzünü görüb deyə bilərik. İlk vaxtlar stilist Samir olaraq tanındığı vaxtlar cəmiyyət tərəfindən heç də xoş qarşılanmırdı. İnsanlar ona qarşı çox aqressiv idi. Görünür, illər keçdikcə nəsil dəyişir və yeni nəsil onu nəinki qəbul edir, hətta Samiraldo kimi sevir.

İşlərinin  pis getdiyi dövrlərdə Samirə bir gün yuxuda kimsə adını dəyişib Samiraldo etməsini məsləhət görür.  Yerindən duran kimi "Facebook”a daxil olur və elan edir ki, mən bu gündən Samiraldoyam.

Fiziki qüsurla doğulub və hələ də müalicə alır. Uşaqlıqda isə zəif, xəstə uşaq olub.

İlk dəfə çörək sexində işləməyə başlayıb. 40 kiloluq çəkisiylə 70 kiloluq un kisələrini daşıyıb.