Azərbaycanlı müğənniyə xarici iş adamından evlilik təklifi

Maqazin

15:30 10.05.2017

Müğənni Sədaqət Ulduza evlilik təklifi gəlib.

Mynews.az bildirir ki, ailem.az-ın məlumatına görə, bu barədə o, "Space" telekanalında Elnarə Xəlilovanın təqdimatında yayımlanan "Xanımlar və cənablar" proqramında deyib. Sədaqətə evlilik təklif edən isə əcnəbi olub. Lakin o, xarici vətəndaşın evlilik təklifini qəbul etməyib: "Norveçdə rəfiqəm yaşayır. Şəkillərə baxanda norveçli iş adamı məni bəyənib, evlənmək istəyib. Bunu mənə dedilər.

Cavab verdim ki, axı, mən onun dilini bilmirəm, onunla necə anlaşacam? Əcnəbi olduğu üçün evlilik təklifini qəbul etmədim. Onunla anlaşmaq məsələsi var. Biz bir-birimizin dilini bilmirik. Oturub təkcə ona demirsən ki, bu kağızdır, bu stoldur. İnsan söhbət etməli, bölüşməli, paylaşmalıdır. Demirəm ki, mən əcnəbiyə ərə getmərəm. Amma əcnəbi də var əcnəbi. Türk, İran azərbaycanlısı başqa, mən onları əcnəbi hesab etmirəm. Yapon, zənciyə, təbii ki, ərə getmərəm. Ancaq italyanlar bizə uyğundur. Əcnəbilərlə ailə quran o qədər azərbaycanlı xanımlar var ki. Əsas odur, ortaq cəhətləri olsun".