Azərbaycanlı müğənni Nofəl Aslanov Türkiyədə beynəlxalq musiqi müsabiqəsində “Ən yaxşı səs” nominasiyasında qalib olub.
Oxu.Az-ın məlumatına görə, ifaçı bu barədə öz Facebook səhifəsində yazıb.
N.Aslanov müsabiqədə Azərbaycan mahnısını milli geyimdə ifa edib.
“Türkdilli dövlətlərin nümayəndələri arasında mən Qran-pri aldım. Çox xoşbəxtəm. Azərbaycan qalib gəldi!”, -N.Aslanov yazıb.
Qeyd edək ki, Nofəl Aslanov hazırda Üzeyir Hacıbəyov adına Bakı musiqi akademiyasında vokal dərsləri alır.
