Əməkdar artist Ruhəngiz Allahverdiyeva son vaxtlar sosial şəbəkədə tez-tez kəskin tənqid olunduğundan gileylənib.
Yeniçağ.az-a açıqlama verən müğənni sosial şəbəkədə paylaşdığı fotolarının altında xoşagəlməz iradların, hətta təhqirlərin belə yazıldığını dedi:
“Hərdən fotolarımı paylaşıram, amma dərhal da peşman oluram. Çünki şəkillərimin altında elə kobud sözlər, təhqirlər yazırlar ki, əsəbiləşirəm. Biri yazır ki, qocalıb, utanmır bu nə şəkillərdir paylaşır, o biri yazır nə gündəsən…Qısa ətəyim də bəzi insanlarda qıcıq doğurur. Heç birinə cavab yazmıram. Bu camaatı anlamaq olmur. Hərdən bezirəm. Ay camaat, əyri ayaqlarım yoxdur ki, üstünü örtüm. Əgər mənə yaraşırsa, niyə də geyinməyim? Görünür bəzi insanlar mənim gözəlliyimi həzm edə bilmir”.
