Son bir neçə günün müzakirə mövzusu xalq artistimiz Aygün Bayramovanın İran vətəndaşı olan Fəraməz Gərmrudi ilə ailə qurmasıdır.
BiG.AZ xəbər verir ki, xanəndə xanımın ötən gün toyu olub, o, 49 yaşında ilk dəfə, həyat yoldaşı F.Gərmrudi isə ikinci dəfədir nikah masasına əyləşib. F.Gərmrudinin ilk evliliyindən 3 qız övladı var.
Fəraməz Gərmrudi musiqiçidir və dəfələrlə Bakıda keçirilən konsertlərdə çıxış edib. 62 yaşlı bəy İranda Almaniyanın məşhur “KÖHEL” avtomobillərinin rəsmi distribüteridir.
O, toy ərəfəsində Aygün Bayramovaya 2 milyon manatlıq mənzil hədiyyə edib.
Qeyd edək ki, xanəndə xanımın ailə qurması sosial şəbəkələrdə geniş müzakirə mövzusuna çevrilib. Hətta bəziləri Aygün Bayramovanın bir zamanlar ATV teleknalaında yayımlanan “Xalq ulduzu” layihəsində kuryoz vəziyyətə düşdüyü videosunu paylaşıblar.
Xatırladaq ki, xanəndə münsif kürsüsündə əyləşdiyi yarışmada səs tellərini “bizim instrumentimiz ətdəndir” deməklə, şərh etmişdi. Onun bu sözləri isə verilişin aparıcısı Zaur Baxşəliyevin gülüşünə səbəb olmuşdu. Belə olan halda isə Aygün xanım aparıcıya canlı yayımda, acıqlanmış, hətta onların arasında kiçik mübahisə də baş vermişdi.
Sözügedən arxiv videosunu oxucularımıza təqdim edirik:
