Tanınmış aktyordan SƏMİMİ ETİRAF “Xanımıma deyirəm ki, o biri arvad səndən yaxşı baxır mənə”

Maqazin

14:00 27.05.2017

“Qız atası” serialında Vidadi obrazı ilə sevilən tanınmış aktyor Teymur Məmmədov şəxsi həyatı ilə bağlı maraqlı açıqlamalar verib.

Mynews.az-ın məlumatına görə, Yenicag.az-a danışan aktyor heç vaxt xanımının onu qısqanmadığını dilə gətirib:

“Biz aktyoruq, çəkildiyimiz filmlərdə aktrisalarla tərəf-müqabili oluruq. Heç vaxt həyat yoldaşım məni onlara qısqanmayıb. Bəlkə də ürəyində nəsə fikirləşib, amma üzümə vurmayib. Arvada lazımdır ki, kişi evə pul gətirsin, neynir e kişini qısqansın?! Həyat yoldaşım özü də bilir ki, sənətimi ondan əvvəl sevmişəm və birinci işim gəlir. Həm də sənətimlə pul qazanıb, onları dolandırıram. Ailəmi də çox istəyirəm”.

Aktyor aradabir xanımını qısqandırdığını da gizlətməyib:

“Aradabir arvadı cırnatmaq üçün deyirəm ki, o biri arvad səndən yaxşı baxır mənə. “Qız atası” filmində Mətanət hər dəfə evdən çıxanda pencəyimi geyindirir, mənə diqqət edir axı. Bunu deyib, arvadı qıcıqlandırıram. O saat əl-ayağa düşür, mənə diqqəti daha da artirir”.