Müğənni Ruhəngiz Allahverdiyeva gizlin xəzinəsindən danışıb.
Mynews.az xəbər verir ki, Yenicag.az- açıqlama verən sənətkar əl işlərindən ibarət kolleksiyası olduğunu bildirib:
“Mən lap çoxdan əl işlərimdən ibarət kolleksiya yığıram. Müxtəlif muncuqlarla işlənmiş bəzək əşyaları, gəlinciklər, aksesuarlardan ibarət həmin kolleksiya yuxusuz gecələrimin məhsuludur. Hamı yatanda mən muncuqlarla işləyirdim. Ancaq o zaman əsəblərim sakitləşir, zövq alır və yüngülləşirəm. Onları evimdə saxlamıram, çünki həddən artıq çoxdur və yer tutur. İnanmazsız, onlar üçün ayrıca ev tutmuşam”.
Müğənni nə vaxtsa onları pula çevirməyi də düşünür:
“Hələ ki, satmağa əlim gəlmir, amma nə vaxtsa, bəlkə satdım, ya da sərgilərdə iştirak etdim. İndidən deyə bilmərəm”.
Onu da öyrəndik ki, sözügedən kolleksiyanın ümumi dəyəri 50 min manatdan artıqdır.
