Əməkdar artist Tünzalə Ağayevanın Moskvada verəcəyi solo konsert təxirə düşüb.
Mynews.az-ın məlumatına görə, tədbir bir müddət əvvəl müğənni-bəstəkar Emin Ağalarovun sahibi olduğu “Vegas city hall”da keçirilməli idi.
T.Ağayevanın prodüseri Yalçın Cabbarov bildirib ki, buna səbəb Moskvada baş verən terror hadisələri olub:
“Terror hadisələrindən sonra konserti təxirə salmaq qərarına gəldik. Bu yaxınlarda isə ölkəmizdə İslam Həmrəyliyi Oyunları başladı. Tünzalə Ağayeva oyunlarda ulduz səfir olduğu üçün başı o işlərə qarışdı. Yaxın günlərdə heç bir konsert haqda düşünmürük. Moskva konsertini isə payızda reallaşdırmağı planlaşdırırıq”.
Axşam.az
