Müğənni Vasif Əzimov “Ölüm ölüm” adlı mahnısına çəkdirdiyi klipini təqdim edib.
Mynews.az-ın məlumatına görə, tədbirdə klipin yaradıcı heyəti ilə yanaşı şou-biznesin məşhur simaları da qatılıb.
Mərasimdə çıxış edən Vasif hər kəsi salamlayaraq, klip haqqında danışıb: “ “Ölüm ölüm” adlı klipim 10 günə çəkilib. Ekran işi çox soyuq hava şəraitində lentə alınıb. Klipin rejissoru Faiq Kərimoğlu, operatoru Caviddir. Ekran işində mənimlə yanaşı meyxanaçı Aqşin Fateh, aktrisa Cəmilə Tağızadə, aktyor Cavanşir Hacıyev rol alıb. Klip böyük məbləğin nəticəsndə ərsəyə gəlib. Fikrimcə, “Ölüm ölüm” adlı ilk klipim tamaşaçılar tərəfindən bəyəniləcək”.
Klipdə böyük əməyi olan meyxanaçı Aqşin Fateh də fikirlərini dilə gətirib: “Vasiflə dostluğumuz uzun illərə söykənir. Onunla mahnı zövqümüz birdir. Vasifə uğurlar arzu edirəm. Klipi sonuncu yox, axarıncı olsun”.
Tədbirə qatılan şou-biznesin məşhur simaları Vasif Əzimovun ünvanına xoş sözlər deyərək, yaradıcılığında uğurlar arzu ediblər.
Qeyd edək ki, təqdimatın sonunda Vasif üzərində “Ölüm ölüm” adı yazılan tortu kəsərək, mərasimə gələnlərlə şəkil çəkdirib.
