"Oradakı bəzi kişilər..." Səidə Sultan

Maqazin

15:00 07.06.2017

Ötən gün “Maşın” realiti-şousunu tərk edən müğənni Səidə Sultan iştirakından danışıb.

Mynews.az-ın məlumatına görə, sənətçi bildirib ki, artıq özü də şoudan uzaqlaşmaq istəyirmiş:

“Dünən səsvermədə olmağı heç gözləmirdim. Mən də oradakılar kimi xəbərdarlıq edə bilmədim ki, hazır olun. Bu bir mübarizədir. Oyunumu oynayıb, qalib olmuşam. Murad Dadaşov sayəsində çox şey qazandım. İtirmədim ki... Oyunumu da təmiz və dürüst oynadım. Mənə dəstək olan bütün insanlara təşəkkürlər. Getsinə səs göndərənlərə də xüsusi təşəkkürlər. Çıxmağım ən məsləhətlisi idi. Bir az da qalsaydım, dəqiq bilirəm ki, dəli olacaqdım. Orada dürüst insan tapa bilmədim. Hamı bir-birindən hovlu gəzir. Bəzi kişilər də elə bil mən kişi idim, mənimlə başa-baş gedirdilər. İnsanlardan o sevgini qazandım. Orada olan bəziləri görüm nə qazanacaqlar. Kiminsə sayəsində yox, öz sayəsində nəsə qazansınlar".

Qeyd edək ki, səsverməyə çıxan S.Sultan rejissor Aqil M.Quliyevi çıxartmaq istəyib. Sonda səs toplaya bilməyən ifaçı özü yarışmanı tərk edib.