Necati Şaşmaz və Mehmet Canpolad haqqında açılan "FETÖ" araşdırması dayandırılıb.
Publika.az Türkiyə mətbuatına istinadən xəbər verir ki, alınan ifadələrin və aparılan araşdırmaların nəticəsində prokurorluq çəkilmək üçün icazəsi alınan "Kurtlar vadisi darbe" filminin ssenarisində bəhs edilən hadisələrin 15 iyul çevriliş təşəbbüsü ilə paralellik kəsb etmədiyini üzə çıxarıb. Məlum olub ki, ssenari qəhrəmanları dövlətçiliyə zidd addım atmayıb.
Prokurorluq şübhəlilərin terror təşkilatı ilə heç bir əlaqəsi olmadığını üzə çıxarıb. Necati Şaşmaz ilə Mehmet Canpoladın da silahlı terror təşkilatı “FETÖ/PDY” ilə əlaqəsi olmadığı irəli sürülüb.
Məlumat üçün bildirək ki, “Kurtlar vadisi”ni çəkən “Pana film” şirkəti Türkiyədə 15 iyulda baş vermiş hərbi çevrilişə cəhd hadisələri ilə bağlı film çəkəcəyini açıqlayıb.
