Xəzər TV-nin “Bizə danış” verilişində qeyri etik hadisə baş verib.
Mynews.az A24-ə istinadən.Az xəbər verir ki, aparıcı Xoşqədəm Hidayətqızı yardım üçün gələn qonağın sirrini açıb: “Rəşad, məndən incimə, mən bu sirri açacam. Hörmətli tamaşaçılar, Rəşad mənə bayaq arxada dedi ki, “Mən boşanacam””.
Bu sözlərdən sonra özündən çıxan iştirakçı əvvəlcə aparıcıya qarşı kobudluq edib.
Daha sonra əl çalmaq istəyən tamaşaçıların üstünə qışqırıb. Ardınca kadrlardan onun özündən çıxdığı və qəzəbli şəkildə qışqırdığı görünsə də, bu zaman səs rejissorları efirin səsini aldığından iştirakçının nə dediyi eşidilməyib. Səs bərpa olunduqda isə onun kiməsə “ağzına gələni danışma, ağıllı ol” dediyi eşidilib.
Sözügedən kadrları təqdim edirik.
