“Şəkillərimi eybəcər hala salıb sosial şəbəkədə yayırlar” Məleykə Əsədova

Maqazin

18:20 16.06.2017

Mynews.az-ın məlumatına görə, bu sözləri xalq artisti Məleykə Əsədova İnstaqram səhifəsində yazıb.

Aktrisa sosial şəbəkədə yayılan və müzakirələrə səbəb olan fotosundan danışıb:

“Şəkillərimi eybəcər hala salıb sosial şəbəkədə yayırlar. Bəzi saytlar, sənəti olmayan dırnaqrası jurnalistlər reytinq toplamaq xatirinə düzəldilmiş şəkilləri yaymaqla məşğul olurlar. Mənim şans yollarımı, istedadımı Allah verib.

Allaha qarşı gələn insanlara elə Allah qənim olsun. Bunları edən insanlar təbii ki, varlığımı, istedadımı çəkə bilməyənlərdir. Ay yazıqlar, gözəllik qalıcı deyil, gedir. Amma insani keyfiyyətlərimizi itirməyək. Bu gözəl ayda dualar edin ki, sizin də üzünüzə nur gəlsin. Hər uğur qazandığım zaman mənə qarşı edilən çirkin taktikalara öyrənmişəm.

Yazıqlar olsun, çox təəssüf! Bu hərəkəti edən insanlara gülürəm. Onlara demək istəyirəm ki, mən varam! Bu gün çətin bir obrazı oynadım. Siz etdiyiniz hərəkətlə məni ruhdan salmaq istədiz, amma əksinə ruhlandım. Səhnədə alqışlar və gözəl fikirlər mükafatım oldu. Gedin həyatınızla, ailənizlə məşğul olun. Yaxşılıq edə bilmirsizsə, pislik etməyin, paxıllıqdan uzaq olun”.