Rusiyanın ən məşhur modellərindən biri olan Viktoriya Odintsova bu həftə Azərbaycana gələcək.
Mynews.az bu barədə 1news.az-a istinadən xəbər verir.
V.Odintsova öz planları haqqında İnstagram sosial şəbəkəsində danışıb. Paylaşdığı fotoya: “Ayın sonunda komanda ilə birgə Bakıya getməyə və mütləq şəkildə @bakucitycircuit şəhər trasında Formula-1-i seyr etməyə hazırlaşırıq. Buna qədər aprel ayında yarışlarda olmuşam, amma indi böyük məmuniyyətlə şəhərlə tanış olacam. Uşaqlar, Bakıdan olan var? Maraqlı yerlər haqqında danışarsız?!”, - şərhini yazıb.
V.Odintsovanın İnstagram səhifəsinin 4.000.000 abunəçisi var.
V.Odintsova artıq “Playboy” jurnalı üçün, Yeqor Kridin “Mənim xoşuma gəlir” klipində çəkilib. Model və müğənni qısa eşq macərası yaşayıblar. O, “Mavrin Models” model agentliyinin aparıcı modelidir.
Xatırladaq ki, Formula-1-in Azərbaycan Qran-Prisi iyun ayının 23-dən 25-nə qədər Bakıda keçiriləcək.
