Oksana: "Bu yaxınlarda məni İslama ərə verdilər"

Rəqqasə Oksana Rəsulova “Hər şey daxil” verilişində qonaq olub.

Oksana aktyor İslam Mehrəliyevə ərə getməsi xəbərinə aydınlıq gətirib:

“Bu yaxınlarda məni yenidən ərə verdilər. İslamla “Bayram axşamı” filmindən bəy-gəlin kostyumunda fotolarımız yayılmışdı. Sosial şəbəkədə yazanları bir yana qoyaq. Bəzi dostlarım belə məni zəng vurub, təbrik edirdilər. Əsəbimdən bir çox dostlarımı qara siyahıya saldım. Başqaları bilmədən nəsə deyir, sizlərə nə olub?”.

O.Rəsulova aparıcı-aktyor Şəhriyar Əbilovla dostluğundan söz açıb:

"2008-ci ildən Şəhriyarla dostluq edirəm. Haqqımızda heç vaxt "sevgilidirlər" kimi söz-söhbət çıxmayıb. Bizim valideynlərimiz də dostluq edir. Hətta çalışıram ki, Şəhriyarı evləndirim".