Reper Xpert (Şəhriyar) yeni albomundan olan ikinci sinqlı ilə ABŞ-da çəkilmiş yeni klipini təqdim edib.
Publika.az xəbər verir ki, "One More Chance" rep ifaçısının karyerasında sayca beşinci albomudur. Çəkilişlər bir neçə ay ərzində Nyu-York və onun rayonları: Bruklin, Bronks, Albani və Manhettendə baş tutub.
Klipin quruluşçu-rejissoru Nyu-York Kino Akademiyasının məzunu olan, həmçinin “Ebabil Production” banisi Səfa Karatekindir. Klipdə reperə aid olan "Shamans Wear" brendinin geyimləri istifadə olunub.
Ekran işində ABŞ-da yaşayan reper Orxan Zeynallı da rol alıb.
