Gününün çoxunu eyş-işrət məclislərində keçirən şou əhlinin həyatı həmişə tamaşaçılar üçün maraqlı olub. Xüsusən də məşhur xanımların şəxsi həyatı, toylardan, məclislərdən sonrakı məşğuliyyəti daima izləyicilərin diqqət mərkəzində olub. Müxtəlif əyləncə məkanlarında içki içib, siqaret çəkən populyar azərbaycanlı xanımların bu halı pərəstişkarları tərəfindən birmənalı qarşılanmasa da, şou aləminin abu-havası bu fikri ikinci plana atıb.
Mynews.az BiG.AZ-a istinadən həmişə baxımlılığı, xüsusilə də ifası ilə diqqət mərkəzində olan məşhur azərbaycanlı xanımların siqaret çəkib içki içən halını əks etdirən görüntülərini təqdim edir:
Siyahıya xalq artisti Nisə Qasımova liderlik edir. Çünki müğənni siqaret çəkdiyini nəinki mətbuatdan, ümumiyyətlə, heç kimdən gizlətmir. Konfranslarda, tədbirlərdə, məclislərdə siqaretlə görüntülənən N.Qasımovanın fotosunu təqdim edirik:
Müğənni Rəqsanə İsmayılova da zərərli vərdişləri olan məşhur xanımlarımızdandır. Qəlyan çəkməklə görüntülənən müğənni “Heç kim deyə bilməz ki, Rəqsanə siqaret çəkib” açıqlaması ilə gündəmə gəlmişdi. O, həkimin məsləhətindən sonra bu vərdişindən də imtina etdiyini söyləmişdi.
Xalq artisti Aygün Kazımova.
"Diva" da siqaret çəkən məşhur xanımlardandır. İstər mahnılarında, istərsə də kliplərində siqaret çəkdiyini açıq-aşkar göstərən A.Kazımovanın fotosunu təqdim edirik:
Əməkdar artist Röya Ayxan da siqaret çəkmək kimi zərərli vərdişi olan xanımlardandır. Müğənni siqaret çəkdiyini mediadan gizlətməyə çalışsa da, zaman-zaman siqaretlə görüntülənib.
Naz-qəmzəsi ilə şou-biznesin seçilən xanımlarından olan müğənni Xumar Qədimova da siqaret çəkir. Fotodan da göründüyü kimi müğənni məclislərdə siqaret çəkməklə kifayətlənməyərək tüstüsünü də xüsusi bir zövqlə havaya buraxır.
Siqaret çəkən məşhur xanımlarımızdan biri də Emma Ələkbərzadədir. Müğənni də tez-tez tədbirlərdə siqaretlə görüntülənir.
Tanınmış bəstəkar Nailə Mirməmmədli də siqaret çəkərkən lentə alınıb. Qeyd edək ki, məşhur xanım sözügedən zərərli vərdişini mətbuatdan gizlətməyə çalışır.
Azərbaycanlı gəlin namizəd Naz Mila da zərərli vərdişləri olan məşhurlardandır. O, bir müddət əvvəl sərxoş halda canlı yayıma çıxması ilə gündəmə gəlmişdi. Bundan əlavə, Naz tez-tez əyləncə məkanlarında qəlyan çəkərək videolarını paylaşır.
