“Lider TV”-nin “Dostlar, bizi unutmayın” verilişinin növbəti qonağı əməkdar artist Nüşabə Ələsgərli olub.
Aparıcılığını müğənni Nazənin etdiyi proqramda N.Ələsgərli sənətə ilk addımlarından danışıb:
“İlk dəfə efirə Cahangir Cahangirovun bəstəsi olan “Məni atdın ay qız”la çıxmışam. Həmin mahnını Rafiq Babayev aranjiman etmişdi. O vaxt AzTV-də gecə verilişində bu mahnını oxudum. Daha sonra 1994-cü ildə “Ay ləli yar”ı oxudum. Ondan sonra məni küçədə hamı tanıdı. Beləcə, sevilməyə başladım”.
Anasının və bacısının ölümündən danışan N.Ələsgərli göz yaşlarını saxlaya bilməyib:
“Hər zaman problemlərim olub. Gözümü açandan zəhmətkeş qarışqa olmuşam. Problemsiz günüm yox idi. Heç bir zaman dərdim olmayıb. Daha sonra Allah mənə dərd verdi. Anam, bacım dünyasını dəyişdi”
