"Bilirəm yazdıqlarımın mənasız və boşunadı, amma ən azından vicdanımın və əqidəmin..." KƏNAN

"Biz nə qədər ki, özümüzü sevib, özümüzə dəyər vermirik, bizim heç bir zaman heç nəyimiz olmayacaq. Hər mənada, hər anlamda, hər sahədə: musiqidə, kinoda, yeməkdə, saç düzümündə.."

Bu sözləri rejissor Kənan M.M. sosial şəbəkədə yazıb:

"Əgər aprel ayında olan mübarizliyimiz qalan 11 ayda bizdə olsaydı, dünya bizə bənzəmək istərdi. Əzizlərim gəlin dünyanı bizə bənzətmək istəyək. Bir-birimizə "Bu nə gündədir", "Bu nə oxuyur", "Bu nə gündə aktyordur" yazmayaq. Tam əksinə dəstək olaq ki, inkişaf edək. Bilirəm ki, yazdıqlarımın mənasız və boşunadır. Amma ən azından vicdanımın və əqidəmin səsini bura yaza bildim. Yaxşı biri olmaq ən asan şeydir. Biz asanı qoyub, çətini seçməyək və ən əsas ailəmizin bizlərə verdiyi əxlaqı qoruyaq. Elədiyimiz hər bir şeydə ilk olaraq onlar xatırlanacaq. Torpağın üstündə dik-dik yeriyərək, torpağın altında yatanları unutmayaq".