Dihajın konsertində nələr baş verdi Görün hansı sürprizi etdi - VİDEO - FOTOLAR

"Eurovision 2017" təmsilçimiz Diana Hacıyevanın (Dihaj) solo konserti baş tutub.

BiG.AZ xəbər verir ki, elektron musiqi kollektivi Dihaj “The End Of Sunrise” adlı solo konsert proqramı ilə Yaşıl Teatr səhnəsində çıxış edib. Onlar yeni albomlarına daxil olan (“TEOS”) mahnıları pərəstişkarları üçün ifa ediblər. Sənətçi Ukrayna səhnəsindən sonra ilk dəfədir ki, böyük kütlə qarşısında konsert verdiyini bildirib.

Musiqi gecəsinin xüsusi qonaqları əməkdar artist İsfar Sarabski və “O səs Türkiyə”nin qalibi Elnur Hüseynov olub. 

Dihaj hər iki tanınmış sima ilə duetlərini təqdim edib. 

Qeyd edək ki, qrup gitaraçı Anar Abdullayev, solist Diana Hacıyeva və həyat yoldaşı Əli Nəsirovdan ibarətdir.