“Qeyrətsiz sizsiz ki, gücünüz müğənnilərə çatır…” Səidə Sultan

"Mən Həcərəm, Nigaram! Torpağım, millətim üçün canımı verməyə hazıram. Buna gücüm, özgüvənim, qeyrətim çatır. Qeyrətsiz sizsiz ki, gücünüz müğənnilərə çatır, ağzınıza gələni yazırsız".

"Qafqazinfo" xəbər verir ki, bu sözləri müğənni Səidə Sultan bildirib.

İfaçı sosial şəbəkədə onu tənqid edənlərin cavabını verib:

"Biz bu qədər aqressiya ilə hara gedirik? Feysbuk, instaqramda nə qədər şərh yazan dil-barmaq dırnaqarası insanalarımız var? Müğənnilərə tökdüyünüz aqressiyaları yığışdırın, bir ordu edin. gedin deyin ki, biz düşmənimizi parçalamağa hazırıq. gedək torpaqlarımızı alaq! Yoxsa ağzınıza gələni bilib-bilmədən yazırsız, şəxsiyyəti təhqir edirsiz. Utanmırsız? Ayıbdır, böyük insanlarsız.

Bəli, mən Həcərəm, Nigaram! Torpağım, millətim üçün canımı verməyə hazıram. Buna gücüm, özgüvənim, qeyrətim çatır. Qeyrətsiz sizsiz ki, gücünüz müğənnilərə çatır, ağzınıza gələni yazırsız. İnanıram ki, bu sözlərdən sonra bir qrup şəxsiyyətsizlər yenə şərh bildirəcək. Gəlin, indi bu paylaşımın altında yazılan şərhlərə fikir verək. Öz ailəsinə hörmət edən yaxşı yazacaq, etməyənlər isə öz rəyləri ilə bilinəcək".