Natavan gəlinliyini tənqid edənlərin cavabını verdi

Maqazin

09:41 24.07.2017

Reper Səid (Dado) Əliyevlə yenicə ailə quran müğənni Natavan Həbibi gəlinlik libasını tənqid edənlərə cavab verib. 

Mynews.az-ın məlumatına görə, sənətçi dəbdənkənar hesab olunan gəlinliyi haqda aqressiv münasibət bildirənlərə xəbərdarlıq edib: 

“Mən sizə salam verəndə, cavab olaraq sadəcə salam verin. Hörmət əlaməti olaraq “şərh” bölməsini bağlamıram. Amma bu, o demək deyil ki, burda olan bəzi “dünya moda sənayesinin münsifləri” öz tənqidi fikirlərini bildirməyə başlamalıdır. Bilə-bilə ki, danışdıqları neqativ sözlər heç kimə maraqlı deyil. Sizi heç nə narahat eləməsin. Hər halda biz də az-çox bilirik, nə var, nə yox. Son zamanlar nədənsə sosial şəbəkələrdə aqressiv şərhlər yaman çoxalıb. Məncə, bu, heç kimə xeyir gətirməz. Mehriban, anlayışlı olaq, bir az dünyagörüşümüzü inkişaf etdirək. Öz həyatımızla məşğul olaq. Onda kimisə müzakirə etməyə vaxtımız qalmaz. Hamınıza gözəl həyat arzulayıram. O qədər gözəl olsun ki, başqasının həyatı yadınıza düşməsin. Sevin və sevilin...”

Axşam.az