Müğənnilər bu dəfə geyimlərindən, onlara xərclədiyi pullardan danışıb.
Mynews.az-ın məlumatına görə, "Xəzər maqazin" sorğu apararaq, onların qarderobunı, əyinlərindəki libasların qiymətini soruşub:
Yaşar Yusub: “Əynimdəki köynək və kostyum birlikdə 600 manatdır. Ayaqqabı 160 manatdır.
Elton Hüseynəliyev: “Ürəyimə yatan paltar olanda brend olması əsas deyil. Brendlə dünyaya gəlməmişik ki... Həddindən çox ayaqqabım var. Əynimdəki kostyum 650, köynək 80, ayaqqabı 240-250 manatdır".
Elvin Abdullayev: “Xoşuma gələn nəsə olsa, metronun üstündən də alaram. Saatım və dəst kostyumlarım çoxdur. Saat 180, kostyum 650, ayaqqabı 150 manatdır".
Günay İbrahimli: “Ola bilər şalvar adi, köynək brend olsun. əsas yaraşanı geyinirəm. Sumkalarım və ayaqqabılarım brend olmalıdır. Bir də kələğayı çox alıram. Paltarım 250 manat, ayaqqabım min avrodur".
Emil Bədəlov: “Brendə o vaxt qaçaram ki, təlabatımı rahat ödəyirəm. Onda gedib düşünmədən 12 minə kostyum alaram. Ayaqqabı sevirəm. Kostyumumu 400, ayaqqabını 180, cinsim isə 80 manatdır".
Səidə Siltan: "Brend əsas deyil. Böyük sırğalar sevirəm. Bütün geyimim 500 manatı keçər".
Fatimə Fətəliyeva: "Sabah cehiz almalıyam, bahalı paltara niyə pul xərcləyim? Ayaqqabım çoxdur. Amma geyimim 75 manatdır. Sırğam da bahalıdır, 75 manat edir. Üzüyüm isə 30-35 manatdır. Çantamı isə 250 manata almışam".
Sevda Yahyayeva: "Geyimin qiymətinə önəm vermirəm. Əsas mənə yaraşan olsun. Cins şalvarları çox sevirəm".
Rəşad İlyasov: "Yaxaya taxılan aksessuardan əl çəkə bilmirəm. Bu kostyumumu tikdirmişəm, qiyməti 1600 manatdır".
