"Evlənmək xəbərinə görə məni çoxları qınadı..." Xərçəngdən ölən rejissorun xanımından AÇIQLAMA

Maqazin

19:54 18.08.2017

Tanınmış mərhum rejissor Şahin Zəkizadənin həyat yoldaşı Səbinə Zəkizadənin övladını qəbul edən şəxslə ailə həyatı qura biləcəyi ilə bağlı söylədiyi fikirlər sosial mediada birmənalı qarşılanmayıb. 

Bu barədə anlaşılmamazlığa aydınlıq gətirmək istəyən Səbinə Zəkizadə yenidən BiG.AZ-la əlaqə saxlayıb. O bu fikirlərin yalnış anlaşıldığını, əslində isə hər şeyin qismətə bağlı olduğunu bildirib: 

"Mən hər şeyin qismətə bağlı olduğunu, gələcəkdə belə bir şeylərin mümkün ola biləcəyi barədə fikirlərimi bildirmişdim. Lakin bu məsələ mənim, Şahinin qohumları arasında birmənalı qarşılanmadı və yalnış anlaşıldı. İstərdim ki, fikirlərimdə bəzi məqamlara aydınlıq gətirim. Mənim mərhum həyat yoldaşımın heç ili tamam olmayıb. Mən evliliyə hazırlaşmıram. Azyaşlı körpəmi böyütməyi düşünürəm. Hər şey qismətə bağlıdır, 5-6 ildən sonra belə şeylər ola bilər, amma inanmıram. Qismətdə olsa belə mən istəməsəm olmaz. Əgər ailə həyatı qursam belə ən birinci övladımı düşünərəm".