Nadir Qafarzadə: "Erməni düşmənim deyil və... Kim nə fikirləşir, cəhənnəmə fikirləşsin"

Maqazin

19:21 21.08.2017

Tanınmış müğənni Nadir Qafarzadə qalmaqallı açıqlama verib. O, ermənilərin düşmən olmadığını deyib:

"Deyirəm ki, mən olmasaydım bəzi saytlar necə çörək pulu qazanardı? Allahım, şükür Nadirin böyüklüyünə. Yazın, yazın, yazın! Mənim sayəmdə yalanlarla dolu məqalələrinizi, savadsız oxucularınız da oxuyub, savadlansınlar. Yenə, sayəmdə...! Bu günlər gündəmi almışam əlimə. Bilirsiniz, el arasında mənə "İtoynadan Nadir" də deyirlər. Hətta sənətdə heç bir şey etməyib, kaftar yaşına çatanlar da sayəmdə reklam olunmaq üçün dəridən-qabıqdan çıxırlar. Var ol, Nadir! Nə yaxşı ki, varsan! Allah səni xarici yox, daxili düşmənlərdən qorusun. Dahi Nadir! Demə, erməni düşmənim deyilmiş, düşmənim öz içimdədir. Allaha şükür ki, indi anladım".

Mətbuat.az bu fikirləri söyləyərkən müğənninin kimləri nəzərdə tutduğunu öyrənmək üçün onunla əlaqə saxladı. N.Qafarzadə konkret ad çəkmədi. O bildirdi ki, erməni məsələsində haqlıdır:

"Kim nə fikirləşirsə, cəhənnəmə fikirləşsin. Mən nə edim ki, onların beyni düz işləmir. Bəli, bu dəqiqə bizim əlimizə avtomat versələr, bir-birimizi qırasıyıq. Bizə erməni lazım deyil".