Ailəsi dağılan Fuad Əlişov: “Artıq hisslər bitib”

Maqazin

16:47 03.10.2017

Həyat yoldaşından ayrılandan sonra mediadan uzaq gəzib-dolanan tanınmış rejissor Fuad Əlişov film təqdimatlarının birində fotokameramıza tuş gəlib.

Mynews.az-ın məlumatına görə, Yenicag.az-a açıqlama verən rejissor daha klip çəkilişləri ilə məşğul olmadığını deyib:

“O işə son verdim, çünki kliplər dəbdə deyil. Yalnız reklam çarxları çəkməklə məşğulam”.

Fuad Əlişov şəxsi həyatından da danışıb.

“Deyilənə görə, sizin ayrılığınıza səbəb xəyanət olub”, sualını rejissor belə cavablandırıb:

“Bu barədə heç nə demək istəmirəm. Siz bu sualın cavabını məndən ala bilməyəcəksiz”.

“Bəs nə vaxtsa barışa bilərsiniz”, sualına da rejissor konkret cavab verib:

“Mən uşaqlarımla vaxtaşırı görüşürəm, qaldı ki, barışığa bu, mümkün deyil. Nə barışıq, artıq hisslər bitib”.

İkinci dəfə evlənib-evlənməməyə gəlincə isə, rejissor “evlənsəm, hamınız biləcəksiniz” deyə cavab verib.

Xatırladaq ki, cütlük 2007-ci ildə ailə həyatı qurmuşdu. Onların bu evlilikdən 3 övladı var.