Xalq artisti efirdə Məleykə Əsədovaya etdiyi təhqirdən danışdı Əgər ağzımdan çıxıbsa, deməli...

Maqazin

15:38 06.10.2017

ARB-də yayımlanan "Səhər-Səhər" verilişinin bugünkü qonaqlarından biri günlərdir xalq artistiMəleykə Əsədova ilə aralarında qalmaqal yaşanan aktyor Ramiz Məlik olub.

Mynews.az xəbər verir ki, verilişdə qonaq qismində iştirak edən yazıçı-jurnalist Qan Turalı hər iki xalq artisti arasındakı təhqirlərlə dolu qalmaqala toxunub. Ramiz Məlik jurnalistin Məleykə Əsədova mövzusuna toxunmasına sərt reaksiyası ilə diqqət çəkib:

"Bu məsələ artıq bitib. Bu, şəxsi məsələdir. Jurnalist tərbiyəsiz olanda, pulunu almaq üçün baxmır ki, qabağında kimdir, onu götürüb verəndə sayta... Əlbəttə ki, bu əxlaqsızlıqdır, jurnalist əxlaqsızlığıdır!"

Aktyorun sərt sözlərinə Qan Turalı "O sözləri siz deməmisiniz ki?" sualı ilə müraciət edib. Ramiz Məlik jurnalistə "Söhbət ondan getmir. Söhbət ondan gedir ki, hörmət lazımdır. Sənətkara hörmət lazımdır! Əgər ağzımnan çıxıbsa, deməli, hirsli olub, o sözləri işlətmişəm. Müzakirə etməyin məni" ifadələri ilə cavab verib.