Azərbaycanlı məşhurların banklara kredit borcu... SİYAHI

Maqazin

22:27 12.10.2017

Təkcə sıravi insanlar deyil, məşhurlar da kredit borclarının olmasından şikayətlənirlər. Bəs, hansı məşhurlarımızın kredit borcu var?

Metbuat.az bunla bağlı maraqlı soğru keçirib. Bir çox məşhurlarımız da bununla bağlı giley-güzar ediblər.

Əməkdar artist Aygün Kazımovanın prodüseri sualımızı belə cavablandırdı: “Aygün xanımın kredit borcu yoxdur. Biz işlərimizi elə görürük ki, banklara borcumuz olmasın".

Əməkdar artist Röya Ayxanın prodüseri Türkan Məmmədli də müğənninin borcu olmadığını dedi: “Adətən müğənnilər maşın alanda borca girirlər. O vaxt var idi, indi yoxdur.”

Əməkdar artist Mətanət İsgəndərlinin köməkçisi də borclarının olmadığını söylədi.

Müğənni Çinarə Məlikzadə isə nəinki banka, heç mağazaya da borclu olmadığını söylədi.

Müğənni Damla avtomobilini kreditə aldığı üçün banka borclu olduğunu dedi.

Müğənni Bahar Lətifqızı isə iki avtomobili olduğunu dedi: “Birini kreditlə, digərini lizinqlə almışam. Hər ikisinin də borcunu ödəmişəm.”

Əməkdar artist Baloğlan Əşrəfov da şükr edənlər arasındadır: “Allahıma şükrlər olsun, mənim kreditlə heç vaxt işim olmayıb”.