"Faytonçu" Nazim - "Anama görə o həkimi bağışlamayacam"
"Faytonçu" ləqədli müğənni Nazim Pişyari səhhətindən danışıb.
Mynews.az bildirir ki, axşam.az-a açıqlama verən ifaçı bildirib ki, artıq reabilitasiya mərhələsini keçib:
"Hər şey yaxşılığa doğru gedir. Hətta artıq çəki də almışam. Əməliyyatdan sonra çox arıqlamışdım. İndi işimin başına da qayıtdım".
Sənətçi onu yanlış əməliyyat edən həkim Elman Əzimovla aralarındakı məhkəmə prosesindən danışıb:
"Klinikanın əmlak və bank hesabları, əməliyyatı edən həkim Elman Əzimovun isə əmlakı üzərinə həbs qoyulub. Bu proses hələ bitməyib. İşə Binəqədi Rayon Prokurorluğunda baxılır. Onlar yəqin ki, Apellyasiya, daha sonra Ali məhkəməyə müraciət edəcəklər. Bu iş çox uzanacaq. Mənim onu bağışlamaq fikrim yoxdur. Allah bağışlayandırsa, bəndə nə karədir... Amma 4 ay mənəvi sarsıntı keçirən anamın göz yaşlarını necə unudum? 77 yaşlı anama bu həkimin çəkdirdiyini bağışlaya bilmərəm. Bu qadının nə günahı var idi? Onun mənə qoyduğu yanlış diaqnoz ailəmi sarsıtdı. Bunu bağışlaya bilmirəm".
Qeyd edək ki, Nazim Pişyari ilk dəfə "Elmed" klinikasında cərrah Elman Əzimov tərəfindən əməliyyat olunub. Lakin əməliyyatdan sonra səhhətində daha ciddi problemlər yaranıbb. Bundan sonra İsrail və Türkiyədə bir neçə əməliyyat keçirib. Hazırda vəziyyəti normaldır. Müğənni həkimin ciddi cəzalandırılmasını tələb edir. O, bununla bağlı Baş Prokurorluğa, Bakı şəhər Prokurorluğuna və Binəqədi rayon Prokurorluğuna müraciət edib.
Sizin üçün seçdik
İndi oxunanlar
Həftənin hitləri
- Azərbaycanda xüsusi karantin rejimi ilə bağlı QƏRAR VERİLDİ 1056 dəfə oxunub
- Kəmalə Paşayeva: “Deputat Qənirə Paşayevanın vəziyyəti stabil-ağır olaraq qalır” 1030 dəfə oxunub
- Qənirə Paşayevanın son durumu AÇIQLANDI 1021 dəfə oxunub
- “Nar”ın bölgələr üçün “Yerlim+” tarifi ikiqat sərfəli oldu! 1019 dəfə oxunub
- Bakıda marşrut avtobusu ağır qəza törətdi - Ölənlər var 1015 dəfə oxunub