Bir ay əvvəl aparıcı Şəbnəm Həsənova və jurnalist Əfruzə Ağayeva ilə aralarında qalmaqal yaşanan idmançı Kamil Zeynallının məhkəmədə dindiriləcəyi deyilsə də, hələlik bu iddialar özünü doğrultmayıb.
Qalmaqaldan sonra polis bölməsinə çağırılan Zeynallının daha sonra "İnstaqram" səhifəsinin sındırıldığı da deyilmişdi. Bütün yayılan xəbərlər haqda idmançı Metbuat.az-a danışıb:
“Deyiblər ki, heç bir xəbər yoxdur. Gözləyirəm məhkəmə olsun, mən də gedim sözümü deyim. Qorxacaq, çəkinəcək hərəkətim olmayıb. "İnstaqram"ı isə özüm bağladım. Son günlərdə əsəblərim çox pozulub və bəzi şərəfsizlərə görə səhifəmi bağladım. Düşündüm ki, yenə girib nəsə yazacaqlar, mən də ağzıma gələni deyəcəm”.
