"Axirət yoxdur, cənnət yalandır..." Flora Kərimovadan ilginc açıqlama

Maqazin

17:36 21.11.2017

Xalq artisti Flora Kərimova ilginc açıqlama verib.

Mynews.az-ın kult.az-a istinadən məlumatına görə, müğənni hesab edir ki, axirət yoxdur və cənnət də yalandır:

"Axirət yoxdur. Axirət olmadıqda isə cəhənnəm də olmur, cəza da. Birinci göndərilən müqəddəs kitabda cənnətin də, cəhənnəmin də məhz bu dünyada olduğu göstərilir; axirət haqqında isə qeydlər yoxdur. Yeni Roma Papasının bu yaxınlarda ajiotaj yaradan çıxışı bütün dünyanı silkələdi. O bildirdi ki, cəhənnəm ümumiyyətlə mövcud deyil.

Ümidsiz cəmiyyətimizdə həyat o dərəcədə gərgin tempdə keçir ki, insan başına gələnləri lazımsız və bəsit inanclara bağlayır. Cənnət- cəhənnəm anlayışı insanın yaşadığı qəddarlıqdan qurtulması üçün şüurunun yaratdığı məhsuludur. Cəhənnəmlə qorxudub, cənnəti vəd etməklə, insan dünyanı dəyişməyə ehtiyac duyur, ümidsizlikdən özünü qurtarmağa cəhd edir. Ümid insanın ömrü boyu yol yoldaşı olur.

Mən o insanlardanam ki, ən çətin günlərimdə Allahın əli başımın üstündə olub".