Namiq Qaraçuxurluya səhnəyə çıxmağa qadağa qoyuldu AÇIQLAMA

Maqazin

18:43 20.12.2017

"Namiq Qaraçuxurlunun ayağındakı sınıq açıq sınıq idi. Yəni sümük açıqda idi. Bu da həmin bölgədə infeksiya olma ehtimalını artırır. Bu da gələcəkdə yara və ya daha da böyük problemlərə gətirib çıxara bilər. Əsas şikayəti ondan ibarətdir, amma normal, tez-tez görünən bir sınıqdır. Digər bir səbəbsə həm iç, həm də çöl tərəfdən sındırması olub. Əməliyyatda elə də bir problem olmadı".

Mynews.az bildirir ki, bu sözləri ARB TV-nin "Günə son" proqramına açıqlaması zamanı məşhur meyxana ustadı Namiq Qaraçuxurlunu əməliyyat edən həkim Rəşad Zeynalov bildirib.

Meyxanaçının bir az narahat qaldığını və tez ayağa qalxmaq istədiyini dilə gətirən həkim uzun bir müddət istirahət etməli olduğunu qeyd edib:

"Əsas şikayəti ondan ibarət idi ki, çoxlu konsertləri, görüşləri var idi. Amma o, yataq rejimində olmalıdır. Baldır sümüklərinin sınıqları digər sümüklərlə birləşməsi oxşardır. Bu da hardasa 2 aydır. Yataq rejimi olmalıdır. Ayağını aşağı sallamaq olmaz. Rahat şəkildə ayağını basıb gəzə bilməz. Buna görə də bişişməsini gözləmək lazımdır. Ayağına basmadan gəzə bilər".