Müğənni Roza Zərgərli dekabrın 26-da Qazaxıstanın Aktau şəhərinin “Abay” sarayında solo konsert verəcək.
Mynews.az-ın məlumatına görə, sənətçi bildirib ki, konsert Azərbaycan və Qazaxıstan respublikaları arasında diplomatik əlaqələrin qurulmasının 25 illik il dönümünə həsr olunacaq:
"Saat 19:00-da başlayacaq gecədə müğənnilər Yaşar Yusub, Nicat Rəhimov, Ramil Cəfərov və “Bakı instrumental”ın musiqiçiləri iştirak edəcəklər. Konsertin aparıcısı Şəhriyar Əbilov və qazaxıstanlı ( adı açıqlanmır ) aparıcı olacaq”.
Xatırladaq ki, konsertin təşkilatçıları Aktau şəhərinin vilayət hakimi, həmin şəhərin baş konsulluğu və Azərbaycanın Qazaxıstandakı səfiridir. (axşam.az)
