"... dilinə yiyəlik etsin" - Məleykə Əsədova

Maqazin

11:28 27.12.2017

Xalq artisti Məleykə Əsədova “Bizimləsən” verilişinin qonağı olub.

Mynews.az-ın məlumatına görə, aktrisa xalq artisti Ramiz Məliklə aralarında yaşanan qalmaqaldan danışıb.

Əsədova qarşı tərəfdən istədiyi təzminatdan bəhs edib:

“İstəmirəm bu haqda danışaq. Bilsəydim bu mövzudur gəlməzdim. Mənim tamaşamdan danışaq. Hər bir insan danışmağıyla daxili mədəniyyətini göstərir. Kimisə tanımaq istəyirsinizsə, müsahibəsini oxuyun. 29 ildir səhnədəyəm. Gündəmdə obrazlarımla qalmışam. Mənə bu gün söz atanın da müdafiəsini vaxtilə çox etmişəm. Həmişə yeni tamaşa təqdim edəndən sonra məni bu cür qalmaqala salırlar. Yenə də “Cəhənnəm sakinləri”ndə oynadım, anşlaq oldu. Səhəri belə bir qalmaqal yarandı. Bu qədəri hələ olmamışdı. Oturduğum yerdə oldu. Mənim məhkəməm Allahdır. Yəqin mənim varlığımı qəbul etmirlər. Teatrda ən çətin obrazları oynadım. 

Mənə məhkəmədə istənilən təzminatdan bir qəpik də istəmirəm. O puldan mənim evimə girməyəcək. Pulu olmayan dilinə yiyəlik etsin".

Qeyd edək ki, M.Əsədova onu və ailəsini təhqir edən R.Məlikdən 100 min təzminat istəyir. Aktyor isə Əsədovadan 300 min təzminat tələb edir.