Avtobusa minənləri təhqir etdi, sonra peşman oldu - VİDEO

Müğənni Yeganə Mürsəlovanın "5/5" verilişində dediyi sözlər tənqidlərə səbəb olub. 

Mynews.az-ın məlumatına görə, aparıcı Zaur Kamal sənətçi üçün şeir deyərkən "5-6 aydan sonra İstanbuldan qovuldu. Rayona zəng vurdu 100 manat pul göndərdilər. Avtobusla Bakıya çerez Naxçıvan gəldi" sözlərini işlədib. 

Yeganə isə ona cavab olaraq "Ömür boyu təyyarədə gedirəm, onsuz da biznes-klass. Niyə də biznesdə getməyək? Mən avtobusa yaraşıram? Utanmırsan?" deyib. 

Onun bu fikirləri sosial şəbəkələrdə tənqidlərə səbəb olub. İnsanlar Yeganənin avtobusa minən insanları təhqir etdiyini yazıblar. 

Mürsəlova sosial şəbəkədə video paylaşaraq yanlış anlaşıldığını söyləyib:

"Verilişdən sonra özümü o qədər pis hiss edirəm ki... İnsanlar çox artıq-əskik sözlər yazırlar. Mən Zaurun haqqımda dediyi fikri yalanladım ki, avtobusa minməmişəm. Hər zaman təyyarə ilə gəlmişəm. Avtobusa, metroya minənlərə hörmətim var. Öz qohumlarım da bu nəqliyyat vasitələrindən istifadə edirlər. Bütün günü xalqın içindəyəm. Lazım gəlsə, taksiyə də, metroya da minərəm".