"Toppuş bacı" ləqəbi ilə tanınan əməkdar artist Tünzalə Əliyeva qayınanasından danışıb.
Mynews.az-a açıqlama verən məşhur qayınanası ilə rəfiqə olduğunu bildirib:
"Bəzən görürəm ki, bu sahədə olan məşhurlar qayınanalarından gileylənirlər. Bu, mənə, həqiqətən, qəribə gəlir. Çünki mən qayınanadan yarımışam. Övladım körpə olanda qayınanam bir müddət bizimlə birgə yaşadı. Onun mənə çox köməkliyi dəyib. Bəzən görürsən ki, 10 gün gedib qayınanamın yanında rayonda qalırıq. 10 gün müddətində mənə nə ev süpürməyə, nə də ki bir stəkan yumağa qoymur. Mənə deyir ki, sən bura istirahətə gəlmisən, yoxsa işləməyə? Səhər yuxudan qalxanda hər şey hazır olub. Rayona gedəndə geyimimə-keçimimə həmişə fikir verirəm. Çünki hamı kənddə bilir ki, mən kimin gəliniyəm".
