Fanatları Türkiyədə yaşayan azərbaycanlı aktrisa Nəzrin Cavadzadəyə jest ediblər.
Mynews.az Axşam.az-a istinadən xəbər verir ki, aktrisanı sevənlər küçəyə axışaraq onu sevdiklərini bildirən plakatları və qeyd kağızlarını İstanbul, Ankara və İzmirdə dirəklərə yapışdırıblar. Nəzrinə olan sevgilərini bu şəkildə göstərən fanat qrupu “Sadəcə, qəlbimizdə deyilsən, hər yerdə varsan” şüarı ilə bunu ediblər.
“Desentierro” filminin çəkilişi üçün Valensiya şəhərində olan N.Cavadzadə bu jestdən duyğulanaraq ağladığını bildirib:
“Əvvəlcə Ankarada başladı. Göz yaşlarımı saxlaya bilmədim. Daha sonra İstanbul və izmirdə gördüm. Fanatlarımın bu jesti məni çox sevindirdi. Aramızda çox gözəl bir bağ var”.
